Kamalistlərin Türkiyəni xilas etmək modeli...

Təbii ki, “demokratik açılım”, kamalizmin sarsıdılması, cəmiyyətdə layiq-dindar ayrışmasının dərinləşdirilməsi və s. bu kimi addımlar Türkiyə üçün “qaranlıq gələcək” planlayanların işini daha da asanlaşdırır. Vaxtilə “PKK problemi”ylə üz-üzə olan Türkiyə, indi AKP-nin “kürd açılımı”ndan sonra “kürd problemi”ylə qarşılaşıb. Yəni problem həll edilmək əvəzinə daha da genişləndirilərək qəlizləşdirilib. Əksər yerli ekspertlər, xüsusilə də kamalist siyasi qüvvələr AKP-nin bu layihələrini Türkiyənin parçalanması projesinin tərkib hissəsi hesab edirlər. Onların fikrincə, bölgəsəl kürd lideri Məsud Bərzaninin Türkiyəyə səfər məkanı və onunla təmasların vizual təqdimatı da ölkənin artıq təhlükəli mərhələyə girdiyini göstərir. Və bu səfərin nəticələri artıq Türkiyənin iç “dinamiklər”ini də silkələyib.