Psixiatr Mehriban Zeynalova vurğulayır ki, xəstənin yaxşılaşmağının səbəbi cincıxarma əməliyyatı vasitəsilə sağalacağına inamdır: «Bunun heç bir elmi tərəfi yoxdur. Cinçıxarma cəhalətdir. İnsanlar özlərinə təlqin edir ki, onlarda hansısa problem var. O təlqinin hesabına da inam yaranır. İnandıqlarına görə də cinçıxarma əməliyyatı müsbət nəticə verir. İnamla adi bir su içsə belə bu, ona kömək edəcək. İnamsız ən güclü dərman belə həmin insana kömək edə bilməyəcək».